ඔස්ට්‍රේලියාවේ විරැකියාව යළි පහළට – Telstra රැකියා කප්පාදුවක

ඔස්ට්‍රේලියාවේ විරැකියා අනුපාතය සියයට 0.1 කින් පහළ ගොස් තිබෙනවා.

මැයි මාසයේදී එය සියයට 3.6 ක් ලෙස පැවති නමුත් ජූනි මාසයේදී සියයට 3.5 දක්වා අඩුවී ඇති බවයි සංඛ්‍යාලේඛණ කාර්යාංශය අද නිකුත් කල දත්ත වාර්තාවල දැක්වෙන්නේ.

නව රැකියා 33,000 ක් පමණ පසුගිය මාසයේදි බිහිවී තිබීම මීට ප්‍රධාන හේතුවයි.

මෙය ආර්ථික විශ්ලේෂකයන් අපේක්ෂා කල මට්ටමට වඩා යහපත් ප්‍රවණතාවයක් වීම විශේෂත්වයක්.

මේ අතර රැකියා 500 ක් පමණ කප්පාදු කිරීමට ඔස්ට්‍රේලියාවේ ප්‍රධාන සන්නිවේදන සමාගමක් වන Telstra සූදානම් වනවා.

ඩොලර් මිලියන 500 කට ආසන්න මුදලක් ඉතිරි කර ගැනීමයි එහි අරමුණ වන්නේ.

ඉවත් කෙරෙන සේවකයන්ට වන්දි පිරිනැමීමට නියමිත බවයි සමාගම නිවේදනය කලේ.

Telstra සමාගම සතුව ඔස්ට්‍රේලියාව තුළ සේවය කරන සංඛ්‍යාව 30,000 කට ආසන්නයි.

ඇමරිකා ඩොලරයට සාපේක්ෂව ශ්‍රී ලංකා රුපියලේ වෙනසක්

පසුගිය කාර්තුව පුරාවට එක්සත් ජනපද ඩොලරය හමුවේ ශ්‍රී ලංකා රුපියල අඛණ්ඩ අතිප්‍රමාණය වීමක් පෙන්නුම් කළ ද එම ප්‍රවණතාවය යම්තාක් දුරකට වෙනස් වී තිබෙනවා.

Read More »

මෙල්බන් කාය වර්ධන තරගාවලියකින් ශ්‍රී ලාංකිකයෙක් පළමු තැනට

කාය වර්ධන ජාත්‍යන්තර සම්මේලනයේ IFBB Pro League Melbourne තරඟාවලියෙන් ශූරතාවය හිමිකර ගැනීමට ශ්‍රී ලංකික සිසුවෙක් වන ලක්රුවන් බණ්ඩාර සමත්වී තිබෙනවා.

Read More »

බාලි වෙත යන ඔස්ට්‍රේලියානුවන්ට ශ්‍රී ලංකාව ගැනත් සිහි කරමින් අනතුරු ඇඟවීමක්

සංචාරකයින් අතර ඩෙංගු උණ පැතිර යාමේ වර්ධනයක් පැවතීම හේතුවෙන් ඩෙංගු පිළිබඳ අවධානයෙන් පසුවන ලෙසට ඉන්දුනීසියාවේ බාලි වෙත යාමට සැලසුම් කර ඇති ඔස්ට්‍රේලියානුවන්ගෙන් සෞඛ්‍ය අංශ ඉල්ලීමක් කරනවා.

Read More »

ඔස්ට්‍රේලියානු කම්කරුවන්ට පඩිත් එක්ක වැඩි වැටුප් ගන්න නව යෝජනාවක්

ඔස්ට්‍රේලියානු කම්කරුවන්ට අර්ධ වැටුප් යටතේ වැඩි නිවාඩු ලබා ගැනීමට හැකි නව යෝජනාවක් ඔම්බුට්ස්මන් කාර්යාලය වෙත ඉදිරිපත් කර තිබෙනවා.

Read More »