මෙල්බන් නගරය කේන්ද්‍ර කරගනිමින් ක්‍රියාත්මක වූ මහා පරිමාණ මත්ද්‍රව්‍ය ජාලයක් වැටලීමට වික්ටෝරියා ප්‍රාන්ත පොලිසිය සමත්ව තිබෙනවා.
සැකකරුවන් 09 දෙනෙකු මෙහිදී අත්අඩංගුවට ගෙන ඇති අතර කඩු – ගිණි අවි – මත්ද්‍රව්‍ය සහ ඩොලර් 750,000 ක මුදලක්ද ඔවුන් සතුව තිබී හමුවී ඇති බව සඳහන්.
මාස 10 කට ආසන්න කාලයක් පුරා සිදුකල විමර්ශනයක ප්‍රථිඵලයක් අනුවයි මෙම පිරිස අත්අඩංගුවට ගෙන ඇත්තේ.
මෙල්බන් නගරය පුරා අයිස් සහ හෙරොයින් බෙදා හැරීම ඔවුන් විසින් සිදුකර ඇති බව අනාවරණය කරගෙන තිබෙනවා.
ප්‍රධාන සැකකරු සතුව තිබී ඩොලර් ලක්ෂයක් පමණ වටිනා අත් බෑග සහ ස්වර්ණාභරණ ද පොලිස් භාරයට ගෙන ඇති බවයි වාර්තා වන්නේ.
