ඔස්ට්‍රේලියාවේ විදුලිය ඇතුලු බලශක්ති ගාස්තු ඉහළයාම 2027 වසර දක්වා සිදුවිය හැකි බවට නවතම වාර්තාවක් පුරෝකථනය කරනවා.
CSIRO ආයතනය විසින් සකස් කර ඇති මෙම වාර්තාවට අනුව සූර්ය – ජල – සුළං – ගල් අගුරු වැනි සියලුම ප්‍රභවයන් මගින් විදුලිය උත්පාදන පිරිවැය සියයට 20 කින් පමණ ඉහළ ගොස් ඇති බවයි දක්වා ඇත්තේ.
කොවිඩ් සමය අවසන්වීමත් සමග බලශක්ති ක්ෂේත්‍රය නැවත යථා තත්වයට පත්වෙමින් තිබියදී යුක්රේන – රුසියා අර්බුදය නිර්මාණය වු බව මෙම වාර්තාවට ඇතුළත්.
ලොව ප්‍රධානම බලශක්ති සැපයුම්කරුවන් දෙදෙනෙකු වන එම රටවල් දෙක මත යැපෙන අනෙකුත් රටවලටද එම බලපෑම දැඩිව බලපා ඇති බවයි CSIRO ආයතනය සිය වාර්තාවෙන් පෙන්වා දෙන්නේ.
කෙසේවෙතත් පුනර්ජනනීය බලශක්ති ප්‍රභවයන් වන සූර්ය සහ සුළං බලය කෙරෙහි වැඩි බරක් තැබීමෙන් පිරිවැය අවම කරගැනීමට හැකියාවක් පවතින බවද එහි වැඩිදුරටත් සඳහන්.
