Australian Financial Review Young Rich List දර්ශකයේ 03 වන ස්ථානය හිමිකර ගැනීමට ශ්‍රී ලාංකික සම්භවයක් සහිත ඔස්ට්‍රේලියානු වෛද්‍යවරයෙකු වන සෑම් ප්‍රින්ස් සමත්වී තිබෙනවා.
ඔහුගේ දළ වත්කම ඩොලර් බිලියන 1.2 ක් ලෙසයි ගණන් බලා ඇත්තේ.
ශ්‍රී ලාංකික මව් පිය යුවළකට දාව ස්කොට්ලන්තයේදී උපත ලබා ඇති ඔහුට වයස අවුරුදු 03 ක් පමණ වනවිට දෙමව්පියන් ඔස්ට්‍රේලියාවට සංක්‍රමණය වී තිබෙනවා.
සෑම් ප්‍රින්ස් වෛද්‍ය උපාධිය ලබාගෙන ඇත්තේ මොනෑෂ් විශ්ව විද්‍යාලයෙනුයි.
ඔහුට වසර 21 ක් වනවිට එනමි 2005 වසරේදී මෙක්සිකානු ආහාර අවන්හල් ජාලයක් බිහි කිරීමටද සමත්වි තිබෙනවා.
අද වනවිට ලොවපුරා අවන්හල් 200 කට වැඩි සංඛ්‍යාවක හිමිකාරීත්වය ඔහු විසින් දරන අතර මෙක්සිකානු මෙන්ම ආසියානු ආහාර අවන්හල්ද ඊට අයත්.
ව්‍යවසායක සම්මාන රැසකින්ද වෛද්‍ය සෑම් ප්‍රින්ස් පිදුම් ලබා තිබීම විශේෂත්වයක්.
