Covid 19 හේතුවෙන් දකුණු ඔස්ට්‍රේලියාවේ පැනවූ Lockdown ක්‍රමවේදය අද මධ්‍යම රාත්‍රියේ සිට අවසන්!
South Australia’s lockdown to ease early, but some restrictions to remain!
Covid 19 හේතුවෙන් දකුණු ඔස්ට්‍රේලියාවේ පැනවූ Lockdown ක්‍රමවේදය අද මධ්‍යම රාත්‍රියේ සිට අවසන් කිරීමට ප්‍රාන්ත රජය තීරණය කර තිබෙනවා. මුලින් ප්‍රකාශ කල දින ගණනට කලින් එය අවසන් කිරීම විශේෂත්වයක්.
මින් පෙර දකුණු ඔස්ට්‍රේලියානු රජය ප්‍රකාශ කලේ ඔවුන් දින 6ක් ප්‍රාන්තය වසා දමන බවයි. නමුත් පොලිස් පරීක්ෂණ මගින් තහවුරු කරගෙන ඇත්තේ Woodville හි pizza අවන්හලක සේවකයෙකු සාවද්‍ය ප්‍රකාශයක් සිදු කර ඇති බවයි. මෙම නිසා පරීක්ෂණ නොමග යැවීමක් සිදු වූ බව වැඩි දුරටත් සදහන්.
කෙසේ වෙතත් සත්‍ය අනාවරණය වීමත් සමග එතරම් භයානක අදියරකට දකුණු ඔස්ට්‍රේලියාව පැමිණ නොමැති නිසා ප්‍රාන්තය නැවතත් වෙළඳ සහ අනෙකුත් අත්‍යවශ්‍ය සේවා සදහා විවෘත කිරීමට ප්‍රාන්ත රජය තීරණය කර තිබෙනවා.
දකුණු ඕස්ට්‍රේලියානු අගමැති Steven Marshall පවසන්නේ මෙවැනි අසත්‍ය ප්‍රකාශ නිසා මුළු ප්‍රාන්තයම අනිසි බිය වැද්දීමකට ලක් වූ බවයි. මෙවැනි අසීරු අවස්ථාවල රජයට සහය දක්වන ලෙසත් අවබෝධයෙන් සෞඛ්‍ය ආරක්‍ෂිත ක්‍රමවේද අනුගමය කරන ලෙසත් ඔහු තව දුරටත් ජනතාවගෙන් ඉල්ලා සිටිනවා.
Steven Marshall තව දුරටත් සදහන් කරන්නේ නොවැම්බර් 20 වන දින සිට ප්‍රාන්තය විවෘත කිරීමත් සමග Covid 19 රෙගුලාසි වල ලිහිල් කිරීමක් සිදුකරන බවයි. ඒ අනුව අවමංගල්‍ය උත්සවයක් සදහා සහභාගී වන්නන් 50 දෙනෙකුටත්, නිවසක පුද්ගලයින් 10 දෙනෙකුටත් එක් වීමට හැකියාව තිබෙනවා. එමෙන්ම නැවත පාසල් ආරම්භ කිරීමටත් ප්‍රාන්ත රජයෙන් අවසර ලැබෙන අතර ව්‍යායාම සදහා සහ අත්‍යවශ්‍ය සේවා සදහා නිවසින් පිට වීමටත් අවසර ලැබෙනු ඇත.
දකුණු ඕස්ට්‍රේලියාව වික්ටෝරියා සමඟ දේශ සීමාව අතහැර දැමීමට සැලසුම් කළ දිනයම දෙසැම්බර් 1 වනදා lockdown සීමාවන් පැනවීමට පෙර තිබූ ස්ථානයට නැවත පැමිණීමට හැකි වනු ඇතැයි රජය අපේක්ෂා කරයි.
(7News)
