මෙල්බන් නගරයේ ක්ෂණික ආහාර අවන්හල් 02 ක් කොල්ල කෑ ළමුන් 04 දෙනෙකු පොලිස් අත්අඩංගුවට ගෙන තිබෙනවා.
13 හැවිරිදි අයෙකු සහ 15 හැවිරිදි 03 දෙනෙකු මේ අතර වන බවයි වික්ටෝරියා ප්‍රාන්ත පොලිසිය සඳහන් කලේ.
ඔවුන් පළමුවෙන් අද අලුයම 2.25 ට පමණ එක් අවන්හලකට පහරදී තිබෙනවා.
ඉන් විනාඩි 15 කට පමණ පසු ක්ලයිඩ් නෝර්ත් හි අවන්හලකටද මෙම පිරිස ප්‍රහාරයක් එල්ල කර ඇති බව සඳහන්.
මෙම අවස්ථා දෙකේදීම සැකකාර ළමුන් තියුණු ආයුධ පෙන්වා අවන්හල් කාර්ය මණ්ඩලයට තර්ජනය කර ඇති බවටයි අනාවරණය කරගෙන ඇත්තේ.
මොවුන් පැමිණ ඇත්තේ සොරාගන්නා ලද මෝටර් රථයක් භාවිත කරමින් බවයි පැවසෙන්නේ.
පළමු අවන්හලේ එක් සේවකයෙකුද මොවුන්ගේ පහරදීමෙන් මුහුණුට තුවාල සිදුවී තිබෙනවා.
සැකකාර ළමුන් ඉදිරි දිනයකදී ළමා අධිකරණයක් වෙත ඉදිරිපත් කෙරෙනු ඇති.
