ඔස්ටේ්‍රලියානු සංචිත බැංකුවේ මීළග ප්‍රධානී ලෙස ප්‍රකට ආර්ථික විශේෂඥවරියක වන මිචෙල් බුලොක් නම් කර තිබෙනවා.
1959 වසරේදි සංචිත බැංකුව පිහිටුවීමෙන් පසු මෙම තනතුරට පත්වන පළමු කාන්තාව ඇය වීම ද විශේෂත්වයක්.
වසර 07 ක සේවා කාලය අවසන් කර වත්මන් සංචිත බැංකු ප්‍රධානී ආචාර්ය ෆිලිප් ලෝ ලබන සැප්තැම්බර් 17 වනදා ධුරයෙන් විශ්‍රාම ගැනීමට නියමිතයි.
ඔහුගේ ධුර කාලය දීර්ඝ නොකෙරෙනු ඇති බවට මාස ගණනක සිට පැවති මතයන් මේ අනුව සැබෑ වි තිබෙනවා.
ගතවූ මාස 14 ක කාලය තුළ අවස්ථා 11 කදී පොළී අනුපාතික අගයන් ඉහළ දැමීම හමුවේ ඔහු පාර්ශව රැසක දෝෂදර්ශනයට ද ලක්වුණා.
විපක්ෂයේ ද අදහස් විමසීමෙන් අනතුරුව නව තනතුර නම් කල බවයි අද පැවති මාධ්‍ය හමුවකදී අගමැති ඇන්තනී ඇල්බනීස් සහ ෆෙඩරල් භාණ්ඩාගාරික ඇමති ජිම් චාමර්ස් සඳහන් කලේ.
