විශේෂිත කූඩුවල රඳවා සිටින කිකිළියන් විසින් දමන බිත්තර හෙවත් caged eggs තහනම 2036 වසරේ සිට ස්ථිරවම ක්‍රියාවට නැංවීමට සියලුම ප්‍රාන්තවල කෘෂිකර්ම අමාත්‍යවරුන්ගේ අනුමැතිය ලැබී තිබෙනවා.
ෆෙඩරල් කෘෂිකර්ම ඇමති මරේ වොට් ගේ ප්‍රධානත්වයෙන් ඔවුන් අද රැස්වී සාකච්ඡා කල අතර එහිදීයි මෙම එකගතාවයට පැමිණ ඇත්තේ.
කෙසේවෙතත් මෙම තීරණය ප්‍රායෝගිකව ක්‍රියාත්මක කිරීමේදී එක් එක් ප්‍රාන්තය මට්ටමින් සුලු සංශෝධන සිදුකිරීමට මෙම දින වකවානු වෙනස්වනු ඇති බවටද මෙහිදී අදහස් පළවනවා.
මෙම තීරණය ක්‍රියාත්මක කිරීම හමුවේ ඔස්ටේ්‍රලියාව තුළ බිත්තර මිළ ගණන් කැපී පෙනෙන ලෙස වැඩිවනු ඇත බවටයි අනාවැකි පළවන්නේ.
දැනට සුපිරි වෙළඳසැල්වල අලෙවි කරන බිත්තර අතුරින් සියයට 40 ක් පමණ caged eggs වන අතර බිත්තර 12 ක අසුරණයක මිළ ඩොලර් 15 ක් පමණ දක්වා ඉහළ යා හැකි බවයි පැවසෙන්නේ.
