බැංකු වංචාවලදී අහිමිවූ සියලු මුදල් පාරිභෝගිකයන්ට නැවත ගෙවන ලෙස වන ඉල්ලීමක් ප්‍රධාන බැංකු 04 න්ම ඉල්ලා සිටීමේ යෝජනාවක් ඉදිරිපත් වී තිබෙනවා.
මෙම සතියේ පැවැත්වෙන පාර්ලිමේන්තු විමර්ශන කමිටුවක් හමුවට NAB – කොමන්වෙල්ත් – වෙස්ට්පැක් සහ ANZ යන ප්‍රධාන බැංකු 04ම නියෝජිතයන් කැඳවනු ලැබ සිටිනවා.
පසුගිය වසරේදී පමණක් බැංකු වංචා හමුවේ ඔස්ට්‍රේලියානුවන් විසින් අහිමි කරගෙන ඇති මුදල ඩොලර් බිලියන 03 කට අධික බවටයි තක්සේරු කර ඇත්තේ.
මහා බ්‍රිතාන්‍ය්‍ය ඇතුලු රටවල් කිහිපයක මෙවැනි සිදුවීම් වලදී අදාළ බැංකුව විසින් වහාම ගණුදෙනුකරු වෙත මුදල ගෙවිය යුතු අතර ඔස්ට්‍රේලියාව තුළ දැනට එවැනි ස්ථිර රෙගුලාසියක් බලාත්මක වන්නේ නැහැ.
එබැවින් වහාම එම මුදල් ගණුදෙනුකරුවන්ට ගෙවිය යුතු බවට ඔවුන්ට දන්වා සිටීමටයි ලබන සතියේ පැවැත්වෙන පාර්ලිමේන්තු කමිටුවේදී මන්ත්‍රීවරුන් සූදානමින් පසුවන්නේ.
පසුගිය වසරේදී ගණුදෙනුකරුවන් 31,700 ක් පමණ විවිධ බැංකු වංචාවලට හසුවී ඇති නමුත් මුදල් වංචාකරුවන්ට ලැබීමට පෙර ප්‍රධාන බැංකු විසින් වළක්වාලීමට සමත්වී ඇත්තේ ඉන් සියයට 13 කට ආසන්න මුදලක් පමණක් බවද සඳහන්.
