Work from Home ඔස්ට්‍රේලියානු සේවකයන්ගේ වැටුප් කප්පාදු කල යුතු බවට යෝජනා

නිවසේ සිට රාජකාරි කරන ඔස්ට්‍රේලියානු සේවකයන්ගේ වැටුප් කප්පාදු කල යුතු බවට ආන්දෝලනාත්මක ප්‍රකාශයක් වික්ටෝරියා ප්‍රාන්තයේ හිටපු අගමැතිවරයෙකු වන ජෙෆ් කෙනට් විසින් යෝජනා කර තිබෙනවා.

රාජකාරි ස්ථානයේ සිට සේවය කිරීම සහ නිවසේ සිට එම කටයුතු සිදුකිරීම හාත්පසින්ම වෙනස් බවයි ඔහු පෙන්වා දෙන්නේ.

විශේෂයෙන් හදිසි සේවා සේවකයන් සහ හෙදියන් වැනි අත්‍යවශ්‍ය වෘත්තීන්වල නිරතවන්නන්ට ඔවුන්ගේ සේවා ස්ථානවලට අනිවාර්යයෙන් වාර්තා කිරීමට සිදුවන බවද හිටපු අගමැතිවරයා සිහිපත් කරනවා.

නිවසේ සිට රාජකාරිවල නිරත වන්නන්ට ප්‍රවාහන වියදම් ඇතුලු විශාල මුදලක් ඉතිරිවන බැවින් ඔවුන්ගේ වැටුපෙන් කිසියම් ප්‍රමාණයක් කපා දැමිය යුතු බවටයි හිටපු ලිබරල් අගමැතිවරයා අවධාරණය කරන්නේ.

වික්ටෝරියා හි වත්මන් ලේබර් පක්ෂ රජයද මීට ප්‍රතිචාර දක්වා තිබෙනවා.

මෙවැනි කිසිදු කප්පාදුවක් සම්බන්ධයෙන් සාකච්ඡා කර හෝ අවධානය යොමු කර නොමැති බවත් අදහසක් ලෙස සළකා බැලීමට පමණක් සූදානම් බවත් ඩැනියල් ඇන්ඩෲස් රජය සඳහන් කර සිටිනවා.

මදුරුවන්ගෙන් බෝවන රෝගයකට ඔස්ට්‍රේලියානු විද්‍යාඥයින් නව එන්නතක් සොයයි

මදුරුවන්ගෙන් බෝවන ජැපනීස් එන්සපලයිටීස් (Japanese encephalitis) වෛරසයට ප්‍රතික්‍රියා කිරීම සඳහා නව එන්නතක් අවශ්‍ය බව ඔස්ට්‍රේලියානු විද්‍යාඥයින් පිරිසක් පවසනවා.

Read More »

හිටපු ක්‍රිකට් ප්‍රවීණයාගේ නමට වෙන් වූ ක්‍රීඩාංගණයේ නම වෙනස් වෙයි

හිටපු ක්‍රිකට් ක්‍රීඩක මයිකල් ස්ලේටර්ගේ නමින් නම් කර ඇති Michael Slater Oval ක්‍රීඩාංගනයෙන් එම නම ඉවත් කිරීමට තීරණය කර තිබෙනවා.

Read More »

සමන්තා මර්ෆි සොයන්න ගිය පොලිසියට නොසිතූ දෙයක් හමුවෙයි

බැලරට් ප්‍රදේශයෙන් අතුරුදන් වූ සමන්තා මර්ෆි සොයා අද ආරම්භ වූ විමර්ශනයේදී බැලරට් නගරයට ආසන්න ප්‍රදේශයේ වේල්ලක් අසල තිබී දුරකථනයක් ලෙස සැක කෙරෙන උපකරණයක් පොලිස් භාරයට ගෙන තිබෙනවා.

Read More »