ඔස්ට්‍රේලියාවේ ජාතික ගුවන් සේවය වන ක්වන්ටාස් හි මීළග ගුවන් යානා ඇණිය (fleet) සඳහා සුදුසු නමක් යෝජනා කිරීමට ඔස්ට්‍රේලියානුවන්ට අවස්ථාව සළසා දී තිබෙනවා.
A-220 වර්ගයට අයත් ගුවන් යානා 29 ක් ක්වන්ටාස් සමාගම විසින් ඇණවුම් කර ඇති අතර ඒවා නිෂ්පාදනය මේ වනවිට කැනඩාවේදී ආරම්භ කර තිබෙනවා.
වසර අවසන්වීමට පෙර පළමු ගුවන් යානා කිහිපය ඔස්ට්‍රේලියාවට ළගාවීමට නියමිතයි.
දැනට අභ්‍යන්තර ගුවන් මාර්ග සඳහා යොදවා ඇති බෝයිං 717 වර්ගයේ යානා ඉවත් කර ඒ වෙනුවට මෙම වර්ගයේ යානා යෙදවීමටයි ක්වන්ටාස් සමාගම පියවර ගෙන ඇත්තේ.
පළමු ගුවන් යානය මෙල්බන් – කැන්බරා ගුවන් මාර්ගය වෙනුවෙන් යෙදවෙනු ඇති බව සඳහන්.
අද සිට ලබන අගෝස්තු 08 වනදා දක්වා කාලය තුළ නම් 06 ක් බැගින් යෝජනා කිරීමට ඔස්ට්‍රේලියානුවන්ට අවස්ථාව පවතින අතර මෙරටට ආවේණික වන ජීවීන් ඊට පදනම් විය යුතුයි.
ක්වන්ටාස් සමාගමේ සෑම ගුවන් යානයක්ම ඔස්ට්‍රේලියාව නිරූපණය කෙරෙන නාමයකින් සමන්විතයි.
