මුදල් විශුද්ධිකරණ චෝදනාවට අදාළව ඔස්ට්‍රේලියාවේ ක්‍රවුන් සමූහයට තවත් වාර්තාගත ඩොලර් මිලියන 450 ක දඩ මුදලක් පණවා තිබෙනවා.
වසර 02 ක් තුළ එම මුදල ගෙවා අවසන් කල යුතු බවයි ෆෙඩරල් අධිකරණයක් විසින් නිකුත් කර ඇති නියෝගයේ දැක්වෙන්නේ.
පළමුවෙන් ඩොලර් මිලියන 125 ක මුදලක් ඔවුන් ගෙවිය යුතු අතර ලබන වසර තුළදී තවත් ඩොලර් මිලියන 125 ක මුදලක් ගෙවිය යුතුයි.
02 වන වසර අවසන්වීමට පෙර අවසාන ඩොලර් මිලියන 200 ක මුදල ගෙවා අවසන් කල යුතු බවයි ෆෙඩරල් අධිකරණය නිකුත්කල නියෝගයේ සඳහන් වන්නේ.
2016 – 2022 කාල සීමාවේදී මුදල් විශුද්ධිකරණ සහ ත්‍රස්ත මර්දන නීති අවස්ථා 546 කදී කඩ කර ඇති බවට ක්‍රවුන් සමූහයට මෙලෙස චෝදනා එල්ල වනවා.
අපරාධවලට සම්බන්ධ පුද්ගලයන්ට සූදූ ක්‍රීඩා කිරීමට අවසර දීම ඔවුන්ට එල්ල වී ඇති ප්‍රධාන චෝදනාවක් වනවා.
