එක්දින ක්‍රිකට් ලෝක කුසලානයට සුදුසුකම් ලබා ගැනීමේ තරගාවලියේ අවසන් මහා තරගය අද පැවැත්වෙනවා.
ඒ ශ්‍රී ලංකාව සහ නෙදර්ලන්ත කණ්ඩායම අතර සිම්බාබ්වේ හි හරාරේ ක්‍රීඩාංගනයේදීයි.
ශ්‍රී ලංකාව මෙවර තරගාවලියේ සහභාගී වූ සියලූ තරග ජය ගැනීමට සමත්වුණා.
ශ්‍රී ලංකා ක්‍රිකට් කණ්ඩායමක් මෙලෙස එක්දින ක්‍රිකට් ලෝක කුසලානයට සුදුසුකම් ලබා ගැනී්මේ තරගාවලියක අවසන් මහා තරගයට ක්‍රීඩා කරන්නේ වසර 44කට පසුවයි.
මීට පෙර 1979 වසරේ පැවති එක්දින ක්‍රිකට් ලෝක කුසලානයට සුදුසුකම් ලබා ගැනී්මේ තරගාවලියේ අවසන් මහා තරගයට ද ශ්‍රී ලංකාව සුදුසුකම් ලැබුවා.
එහිදී කැනඩාව පරාජය කරමින් ශූරයින් බවට පත් වුයේද ශ්‍රී ලංකාවයි.
