මාර්ග සහ රථවාහන නීතිවල සංශෝධනයක් සිදු කිරීමට දකුණු ඔස්ට්‍රේලියා ප්‍රාන්ත රජය තීරණය කර තිබෙනවා.
ඒ අනුව අධි බලැති වාහන පදවන පුද්ගලයන් වෙනුවෙන් නව රියදුරු බලපත් කාණ්ඩයක් හඳුන්වාදීමට නියමිතයි.
එම වාහන පදවන අයෙකු විසින් සිදුකරන රිය අනතුරකදී බරපතල තුවාල සිදුවීම් හෝ මරණයක් සිදුවුව හොත් ලබාදෙන දඩුවම් ද ඉහළ මට්ටමක පවතින අන්දමිනුයි නව නීති සකස් කිරීමට නියමිතව ඇත්තේ.
අධි වේගයෙන් ධාවනය වූ මෝටර් රථයක ගැටීමෙන් 15 හැවිරිදි තරුණියක මිය යාමේ සිදුවීම පාදක කරගෙන මෙම නව නීති සම්පාදනය සිදු කෙරෙන බව දකුණු ඔස්ට්‍රේලියා ප්‍රාන්ත රජය සඳහන් කලා.
අපරීක්ෂාකාරී රිය ධාවනයෙන් සිදුවන පුද්ගල මරණයකට දැනට දකුණු ඔස්ට්‍රේලියාවේදී හිමිවන උපරිම සිර දඩුවම මාස 12 ක් වන නමුත් නව නීති සංශෝධනය යටතේ එය අවුරුදු 07 ක් දක්වා ඉහළ නැංවෙනු ඇති.
