2015 වසරේදී සිදුකල උපරිම ණය සීමා ඉහළ දැමීමේදී එවක සමාජ සේවා අමාත්‍ය මෙන්ම පසුකාලීන අගමැතිවරයාද වූ ස්කොට් මොරිසන් විසින් සිය වගකීම පැහැර හැර ඇති බවට චෝදනාවක් එල්ල වනවා.
Robodebt (රොබෝ ඩෙබ්ට්) ලෙසින් ජනප්‍රිය මෙම ක්‍රමය ෆෙඩරල් රජය විසින් ක්‍රියාත්මක කල අසාර්ථකම ව්‍යාපෘතියක් බවයි අද නිකුත් වූ රාජකීය කොමිෂන් වාර්තාවේ සඳහන් වන්නේ.
2019 වසරේදී මෙම ක්‍රමය අසාර්ථක බවට එවක පැවති ලිබරල් සන්ධාන රජය විසින් පිළිගත් අතර අගමැති ලෙස කටයුතු කල ස්කොට් මොරිසන් විසින් ප්‍රසිද්ධියේ සමාව අයැද සිටියේ 2020 වසරේදීයි.
වැනි සේවාවලට අදාළව ණය ආපසු ලබාගැනීමේදී දෝෂ සහගත අයුරින් කටයුතු කර ඇති බවට අනාවරණය වීමත් සමග අදාළ ණය හිමියන්ට එම අමතර මුදල් ආපසු ගෙවීමටද එහිදී පියවර ගැණුනා.
මෙම සිද්ධිය පදනම් කරගෙන පාර්ලිමේන්තුවෙන් ඉල්ලා අස්වීම හෝ නොවීම පිළිබඳ තීරණයක් ගත යුතු වන්නේ හිටපු අගමැති මොරිසන් විසින්ම බවයි වත්මන් අගමැති ඇන්තනී ඇල්බනීස් අද පැවති මාධ්‍ය හමුවකදී සඳහන් කලේ.
