පසුගිය වසර 04 තුළදී උද්ධමකය සහ වැටුප් වැඩිකිරීම් ප්‍රතිශතයන්ට වඩා කැපී පෙනෙන අගයකින් child care ගාස්තු ඉහළගොස් ඇති බව අනාවරණය වී තිබෙනවා.
ඔස්ට්‍රේලියානු පාරිභෝගික කොමිසම සිදුකර ඇති විශ්ලේෂණයක දැක්වෙන්නේ child care මධ්‍යස්ථාන – නිවාස දිවා සුරැකුම් ඇතුලු සියලු සේවා ගාස්තු සියයට 20 ත් 32 ත් අතර අගයකින් ඉහළ ගොස් ඇති බවයි.
ඒ අනුව child care ගාස්තු සහනයක් දීමෙන් පසු එක් දරුවෙකු වෙනුවෙන් දිනකට වැයවන මුදල ඩොලර් 13 ත් 60 ත් අතර වන බවටයි තක්සේරු කර ඇත්තේ.
වයස අවුරුදු 05 ට අඩු ළමුන් අතුරින් සියයට 70 ක් හෙවත් ලක්ෂ 12 කට ආසන්න පිරිසක් ද අවුරුදු 06 ත් 13 ත් අතර ළමුන්ගෙන් 655,000 ක පමණ පිරිසක්ද මෙම කාල සීමාව තුළ child care සේවා සඳහා සහභාගී වී තිබෙනවා.
child care ගාස්තු සහනය පසුගිය ජූලි පළමුවනදා සිට ඉහළ දමනු ලැබුවා.
එමෙන්ම ඉදිරියේදී ලබාදිය හැකි තවත් සහන පිළිබඳ මහජන අදහස් විමසීමක් ලබන සැප්තැම්බර් මාසයේදී ආරම්භවන අතර එම අවසන් වාර්තාව දෙසැම්බර් වනවිට ලැබීමටයි නියමිතව ඇත්තේ.
