ලෝඩ්ස් ක්‍රීඩාංගණයේදී ඔස්ට්‍රේලියානු ක්‍රීඩකයන්ට එල්ලවූ අපහාස ගැන විමර්ශනයක් ඉල්ලයි

අලුබඳුන 02 වන තරගය අතරතුර එංගලන්තයේ ලෝඩ්ස් ක්‍රීඩා පිටියේ ක්‍රීඩා මණ්ඩපය තුළදී ඔස්ට්‍රේලියානු ක්‍රීඩකයින් කිහිපදෙනෙකු අපහසුතාවයට ලක් කිරීම සම්බන්ධයෙන් ඔස්ට්‍රේලියානු ක්‍රිකට් ආයතනය එරට එම් සී සී ක්‍රිකට් සමාජයෙන් කරුණු විමසා තිබෙනවා.

අළු බඳුන දෙවැනි තරගයද ලකුණු 43 කින් ජය ගැනීමට ඔස්ට්‍රේලියාව ජූලි 02 වනදා සමත්වුණා.

ලෝඩ්ස් ක්‍රීඩා පිටියෙ පැවති එම තරගය අතරතුර සහ තරගයෙන් අනතුරුව ප්‍රේක්ෂකයින්ගෙන් ඔස්ට්‍රේලියානු ක්‍රිකට් කණ්ඩායමට නොයෙකුත් අපහාසවලට මුහුණදිමට සිදුවුණා.

එංගලන්තයේ එම් සී සී ක්‍රිකට් සමාජයේ සාමාජිකයින් කිහිපදෙනෙකු ද ඒ අතර වීම සම්බන්ධයෙන් ඔස්ට්‍රේලියානු ක්‍රිකට් ආයතනය මෙලෙස කරුණු විමසා ඇති බවයි වාර්තා වන්නේ.

ඔස්ට්‍රේලියානු කඩුලූ රකින ක්‍රීඩක ඇලෙක්ස් කේරි විසින් එංගලන්ත ක්‍රීඩක ජොනී බෙයාර්ස්ටෝ ස්ටම්ප් කිරීමත් සමගයි ඔස්ට්‍රේලියානු ක්‍රීඩකයින් වෙත එංගලන්ත ක්‍රීඩා ලෝලීන්ගෙන් දිගින් දිගටම අපහාස එල්ල වූයේ.

සුළු පිරිසකගේ හැසිරීම කිසිදු අයුරකින් පිළිගත නොහැකි බව එම් සී සී ක්‍රීඩා සමාජය නිකුත් කර ඇති නිවේදනයේ සඳහන්.

ආසියානු රටක පුද්ගලයෙක් මෙල්බන්හිදී කාන්තාවක් සහ දරුවෙක් පැහැර ගනී

මෙල්බර්න්හි රෝවිල් ප්‍රදේශයේ (Rowville) සාප්පු මධ්‍යස්ථානයක් අසලදී කාන්තාවක් සහ ඇයගේ කුඩා දියණිය පැහැරගෙන යාමේ සිදුවීමක් සම්බන්ධයෙන් පොලිස් පරීක්ෂණ ආරම්භ වී තිබෙනවා.

Read More »

අගමැති එක්වූ මෙල්බන් සමුලුවකට පලස්තීන හිතවාදී විරෝධතාකරුවන් කඩාවදී

අගමැති ඇන්තනි ඇල්බනීස් සහභාගී වූ මෙල්බර්න්හි කම්කරු පක්ෂ සමුළුවකට පලස්තීන හිතවාදී පෙලපාලිකරුවන් කඩා වැදී තිබෙනවා.

Read More »

වික්ටෝරියා ප්‍රාන්තයේ මාරක රිය අනතුරුවලට හේතුව හෙළිවෙයි

පැය පහකට අඩු කාලයක් නිදාගන්නා රියදුරන් රිය අනතුරුවලට පත්වීමේ සම්භාවිතාව හතර ගුණයකින් වැඩි බව නව අධ්‍යයනයකින් හෙළි වී තිබෙනවා.

Read More »