හෙට එනම් ජූලි පළමුවනදා සිට ඔස්ට්‍රේලියාවේ වීසා අයදුම්පත් ගාස්තු ඉහළ දමා තිබෙනවා.
ඒ අනුව සංචාරක වීසා අයදුම්පතක් සඳහා වන ගාස්තුව ඩොලර් 190 ක් දක්වාද – සහකරු හෝ සහකාරිය (dependent) සඳහා වන වීසා අයදුම්පත් ගාස්තුව ඩොලර් 8850 ක් දක්වාද ඉහළ යනු ඇති.
ශිෂ්‍ය වීසා අයදුම්පත් ගාස්තුව හෙට සිට ඉහළ දමා ඇත්තේ ඩොලර් 710 ක් දක්වායි.
සංක්‍රමණික පුහුණු ශ්‍රමික වීසා අයදුම්පතක් සඳහා අය කෙරෙන ගාස්තුව හෙට සිට ඩොලර් 4640 ක් බවට පත් වනවා.
අද මධ්‍යම රාත්‍රී 12 න් පසුව ලැබෙන පුරවැසිභාවය අයදුම්කරන අයදුම්පතක් සඳහා ඩොලර් 540 ක ගාස්තුවක් අය කෙරෙනු ඇති.
ස්වදේශ කටයුතු දෙපාර්තමේන්තුව සඳහන් කලේ ඉහළ ගොස් ඇති මෙහෙයුම් පිරිවැයට සාපේක්ෂව මෙම ගාස්තු සංශෝධනය සිදුකර ඇති බවයි.
මේ අතර සිය දත්ත පද්ධතියේ නඩත්තු කටයුත්තක් හේතුවෙන් ImmiAccount ඇතුලු ඔන්ලයින් සේවා කිහිපයක් අද රාත්‍රී 08.30 සිට හෙට දහවල් 12.30 දක්වා ක්‍රියාත්මක නොවන බවද ස්වදේශ කටයුතු දෙපාර්තමෙන්තුව දන්වා සිටිනවා.
