නිවු සවුත් වේල්ස් ප්‍රාන්ත හිටපු අගමැතිනිය බරපතල දූෂණ අක්‍රමිකතා චෝදනා රැසකට වගකිව යුතු බවට ඇය සම්බන්ධයෙන් සෙවීමට පත්කල කොමිසම නිගමනය කර තිබෙනවා.
ඇය සහ හිටපු ලිබරල් මන්ත්‍රීවරයෙකු අතර ප්‍රේම සබඳතාවයක් පැවති 2016 – 2017 කාල වකවානුවේ මෙම අක්‍රමිකතා සිදුවී ඇති බවටයි චෝදනා එල්ල වන්නේ.
නිවු සවුත් වේල්ස් අගමැතිනිය ලෙස අයථා මූල්‍ය ගණුදෙනු රැසකට සිය බලය භාවිත කර මැදිහත්වූ බවයි ස්වාධීන විමර්ශන කොමිසම විසින් අද නිකුත් කල වාර්තාවේ දැක්වෙන්නේ.
හිටපු අගමැතිනිය සම්බන්ධයෙන් ගත යුතු නිර්දේශ 18 ක් මෙම වාර්තාවට ඇතුළත් වන අතර නීතිමය පියවර ගැනීමක් සිදුවේ දැයි මෙතෙක් තහවුරු වී නැහැ.
තමාට එල්ල වූ දූෂණ අක්‍රමිකතා චෝදනා හමුවේ නිවු සවුත් වේල්ස් හිටපු අගමැතිනිය එම ධුරයෙන් ඉල්ලා අස්වූයේ මීට වසර 02 කට ඉහතදීයි.
