කටුනායක ගුවන් තොටුපොළෙන් ජපානයේ නරිටා බලා පිටත් වූ ශ්‍රී ලන්කන් ගුවන් යානයේ කාර්මික දෝෂයක් හටගෙන තිබෙනවා.
ඊයේ රාත්‍රී 08.10 ට පමණ කොළඹින් පිටත්වු UL 454 අංක දරන මෙම යානය ටෝකියෝ වේලාවෙන් අද පෙරවරු 08.10 ට ගොඩබැස්වීමටයි නියමිත වූයේ.
කෙසේවෙතත් ගුවන් යානය ගුවන්ගතවී පැය 02 කට පමණ පසු එය යළි කොළඹට ගොඩබස්වා තිබෙනවා.
ඒ වනවිටත් එය සැළකිය යුතු වේලාවක් කුරුණෑගලට ඉහළ අහසේ එකම ස්ථානය වටා ගමන් කරවා ඇති බවද සඳහන්.
ශ්‍රී ලංකන් ගුවන් සේවය ආශ්‍රිත ප්‍රමාදවීම් – අවලංගු කිරීම් සහ කාර්මික දෝෂ ගණනාවක් මෑතකාලීනව වාර්තා වුණා.
