ඉදිරි වසර කිහිපයේදී ආසියා පැසිෆික් කලාපයේ දරුණුම කඩාවැටීම පෙන්නුම් කරන ආර්ථිකයක් බවට ඔස්ට්‍රේලියානු ආර්ථිකය පත්වනු ඇති බවට අනතුරු ඇගවීමක් සිදුකර තිබෙනවා.
ගෝලීය ණය ශ්‍රේණිගත කිරීම් ආයතනයක් වන S & P Global විසින් නිකුත් කර ඇති නවතම පුරෝකථනයක දැක්වෙන්නේ දැනට කලාපයේ ශක්තිමත්ම ආර්ථිකයන් 14 අතුරින් දරුණුම පහළයාම සටහන් කරන රටවල් අතර 05 වන ස්ථානයට ඔස්ට්‍රේලියාව පත්වනු ඇති බවයි.
මෙම වසරේදී මෙරට ආර්ථික වර්ධනය සියයට 1.4 ක් වැනි පහළ අගයක් ගැනීම – උද්ධමනය සහ පොළී අනුපාතිකයන් ඉහළයාම මීට මූලික හේතුවයි.
ලබන වසරේදී ඔස්ට්‍රේලියාවේ ආර්ථික වර්ධනය සියයට 1.2 ක් වැනි අගයකට තවත් පහළ යනු ඇති බවටද අනාවැකි පළවනවා.
එය දෙවැනි වනුයේ සියයට 1.1 ක පුරෝකථනයක් සහිත ජපානයට පමණක් බවයි S & P Global සිය වාර්තාවේ දක්වා ඇත්තේ.
ඉදිරි මාසවලදී පොළී අනුපාතිකයන් තවත් ඉහළ ගොස් 2024 වසරේදී සියයට 4.6 ඉක්මවා යනු ඇතැයිද එහි වැඩිදුරටත් සඳහන්.
