සූපවේදීන් ලෙස සේවය කල දකුණු ආසියානු ජාතිකයන් දෙදෙනෙකුට අඩුවෙන් වැටුප් ගෙවූ බවට චෝදනා එල්ල වී ඇති සිඩ්නි ඉන්දීය අවන්හලකට ඩොලර් ලක්ෂ 02 ක දඩයක් නියම වී තිබෙනවා.
පණත යටතේ මෙම අවන්හලට එරෙහිව අදාළ නීතිමය පියවර ගෙන තිබුණේ ඉන්දීය ජාතිකයෙකු සහ පකිස්ථාන ජාතිකයෙකු විසිනුයි.
තමන් සතියකට පැය 70 කට අධික කාලයක් සේවය කල බවත් ඊට විරුද්ධ වුවහොත් වීසා අනුග්‍රාහකත්වය ඉවත් කරන බවටත් තර්ජනය කෙරුණු බවයි ඔවුන් සඳහන් කර තිබුණේ.
2016 – 2018 කාල සීමාවේදී තමන් මෙම අවන්හලේ සේවය කල කාලසීමාවේ මෙලෙස නියමිත මුදලට වඩා අඩුවෙන් වැටුප් ලැබුණු බවයි ඔවුන් ප්‍රකාශ කර ඇත්තේ.
ඔවුන් දෙදෙනාට වෙන් වෙන්ව ඩොලර් ලක්ෂය බැගින් වන්දි ගෙවන ලෙසයි ෆෙඩරල් අධිකරණයක් විසින් අදාළ ඉන්දීය අවන්හලට නියම කරනු ලැබුවේ.
