ලොව හොඳම ගුවන් සේවා 10 අතරට පැමිණීමට ඔස්ට්‍රේලියාවේ ජාතික ගුවන් සේවය වන ක්වන්ටාස් අපොහොසත් වී තිබෙනවා.
ප්‍රංශයේ පැරිස් නුවරදී මේ දිනවල පැවැත්වෙන පැරිස් ගුවන් සංදර්ශනයට සමගාමීව ලොව හොඳම ගුවන් සේවා ලැයිස්තුව වනප ස්කයිට්‍රැක්ස් ගුවන් සේවා සම්මාන ප්‍රදානය ඊයේ සිදුකෙරුණා.
එහිදී ක්වන්ටාස් ගුවන් සේවයට හිමිවී ඇත්තේ 17 වන ස්ථානයයි.
කෙසේවෙතත් පසුගිය වසරේ ලැයිස්තුවේදී ඔවුන් පසුවූයේ 05 වන ස්ථානයේයි.
සිංගප්පූරු ගුවන් සේවය පළමු ස්ථානයට පැමිණ ඇති අතර මුල් ස්ථාන 10 අතරට ඔස්ට්‍රේලියාවේ කිසිදු ගුවන් සේවයක් ඇතුළත් වන්නේ නැහැ.
මුල් ස්ථාන 10 න් 08 ක්ම හිමිකරගෙන ඇත්තේ ආසියානු සහ මැද පෙරදිග ගුවන් සේවා විසින් වීම විශේෂත්වයක්.
