නිවු සවුත් වේල්ස් ප්‍රාන්තයේ මගී ප්‍රවාහන බස් රථවල ආසන පටි පැළඳ සිටීම අනිවාර්ය කිරීම කෙරෙහි අවධානය යොමුවී තිබෙනවා.
10 දෙනෙකුට මරු කැඳවමින් සතියකට ඉහතදී සිදුවූ දරුණු අනතුර ඊට ආසන්නතම හේතුව ලෙසයි සැළකෙන්නේ.
නිවු සවුත් වේල්ස් ප්‍රාන්ත රජය විසින් මේ සම්බන්ධයෙන් සමාලෝචන වාර්තාවක් කැඳවා ඇති අතර එහි නිර්දේශ අතරට මෙම යෝජනාවද ඇතුළත් වනු ඇති බව සඳහන්.
දැනට නිවු සවුත් වේල්ස් හි ආසන පටි පැළඳීම අනිවාර්ය වනුයේ coach ඝනයට සැළකෙන බස් රථ සඳහා පමණයි.
දැනට ඉදිරිපත්ව ඇති යෝජනාව සම්මත වුවහොත් මගී ප්‍රවාහන බස් රථ – පාසල් සිසුන් ප්‍රවාහන බස් ඇතුලු සියලු බස් රථවල ආසන පටි පැළඳීම අනිවාර්ය වනවා.
