ඔස්ට්‍රේලියානුවන් අතුරින් 1/10 ක් පමණ සිය බැංකු සහ සමාජ මාධ්‍ය ගිණු්ම්වල මුරපදය (password) ලෙස යොදාගනු ලබන්නේ ඔවුන්ගේ ප්‍රියතම ක්‍රීඩා කණ්ඩායමේ නාමය බවට තහවුරු වී තිබෙනවා.
YouGov සහ Telstra ආයතන විසින් සිදුකර ඇති සමීක්ෂණයකදී හෙළිවී ඇත්තේ ඔවුන් පිලිබඳ හොඳින් දන්නා පුද්ගලයන්ට එවැනි ගිණුම්වලට අනවසරයෙන් පිවිසීමට ඒ හරහා වැඩි ඉඩක් නිර්මාණ වන බවයි.
සියයට 78 කට ආසන්න පිරිසක් තමන්ගේ සියලුම ගිණුම් සඳහා යොදාගනු ලබන්නේ එකම මුරපදයක් බවද මෙහිදී අනාවරණය වී තිබෙනවා.
සියයට 20 ක් පමණ තම සුරතල් සතුන්ගේ නාමයද – සියයට 17 ක් පමණ තමන්ගේම නම ද ඒ සඳහා භාවිත කරන බවද සඳහන්.
ඔස්ට්‍රේලියානුවන් අතුරින් මිලියන 1.5 ක් පමණ සිය මුරපද සොරාගැනීමට පහසු ආකාරයෙන් භාවිත කරන බවත් මිලියන 1.2 ක් පමණ සිය පසුම්බියේ එය තබාගන්නා බවත් අනාවරණය වී තිබෙනවා.
මෙවැනි ක්‍රියා හේතුවෙන් ඔස්ට්‍රේලියානුවන් මූල්‍ය වංචාවලට ලක්වීම ඉහළ අගයක පවතින අතර පසුගිය වසරේදී ඩොලර් මිලියන 194 ක මුදලක් එලෙස ඔවුන් විසින් අහිමි කරගෙන තිබුණා.
