ACT ප්‍රාන්තයේ පොලිස් නිලධාරීන් සංඛ්‍යාව ඉහළ නැංවීමට ප්‍රාන්ත රජය තීරණය කර තිබෙනවා.
ඒ අනුව ඉදිරි වසර 05 සඳහා අමතර ඩොලර් මිලියන 107 ක මුදලක් ACT පොලිසිය වෙත හිමිවනු ඇති.
ජනගහනයට සාපේක්ෂව අඩුම පොලිස් නිලධාරීන් සංඛ්‍යාවක් සිටින ප්‍රාන්තය ලෙස හඳුනාගෙන ඇත්තේ ACT ප්‍රාන්තයයි.
එහි පුද්ගලයන් 100,000 කට සිටිනුයේ පොලිස් නිළධාරීන් 205 දෙනෙකු පමණක් බව සඳහන්.
සාමාන්‍යයෙන් එක් පුද්ගලයෙකුගේ ආරක්ෂාව සඳහා ඩොලර් 574.57 ක මුදලක් වෙන් කල යුතුව ඇතත් ACT හි එම අගය ඩොලර් 452.67 ක් වැනි පහළ අගයක පවතින බවටයි තක්සේරු කර ඇත්තේ.
අදාල මුදල් ප්‍රතිපාදන මගින් ACT ප්‍රාන්ත පොලිසියට නව උපකරණ මිළදී ගැනීමටද අපේක්ෂිතයි.
