දේශගුණ ක්‍රියාකාරීන්ගේ විරෝධතා මාලාවක් හේතුවෙන් ප්‍රාන්ත 03 ක ගල් අගුරු ප්‍රවාහන මෙහෙයුම් සඳහා බලපෑම් එල්ල වී තිබෙනවා.
වික්ටෝරියා – නිවු සවුත් වේල්ස් සහ ක්වීන්ස්ලන්ඩ් ප්‍රාන්තවල ප්‍රධාන වරායන් හි ගල් අගුරු ගොඩබෑම්වලට මෙන්ම මහා මාර්ග ඔස්සේ ඒවා ප්‍රවාහනය කරන ට්‍රක් රථවලට මෙහිදී බාධා එල්ල වී ඇති බව සඳහන්.
පළමුවෙන් නිවු කාසල් වරායේ මෙම විරෝධතාව ආරම්භ වී ඇති අතර අනතුරුව බ්‍රිස්බන් සහ මෙල්බන් නගරවලද ඒවා ආරම්භ වී තිබෙනවා.
මෙම විරෝධතා හමුවේ දකුණු අර්ධගෝලයේ 04 වන විශාලතම වරාය ලෙස සැළකෙන මෙල්බන් වරායේ මෙහෙයුම් කටයුතු අද පෙරවරුවේ අඩාල වී පැවති බව සඳහන්.
මේ අතර වාහන කිහිපයක් එකිනෙක ගැටීම හමුවේ සිඩ්නි M2 අධිවේගී මාර්ගයේ රථවාහන ගමනාගමනයට දැඩි බාධා එල්ල වී තිබෙනවා.
පුද්ගලයන් 06 දෙනෙකු මෙහිදී තුවාල ලබා තිබුණා.
