ඉදිරි දින 10 තුළදී ඔස්ට්‍රේලියාවේ හිම ක්‍රීඩා කලාප සඳහා දැඩි හිමපතනයක් අපේක්ෂා කල හැකි බව කාළගුණ විද්‍යා කාර්යාංශය පවසනවා.
ඇතැම් ස්ථානවලට මීටරයකටත් වඩා උසට හිම පතනය වනු ඇති බවටයි අනාවැකි පළවන්නේ.
සාමාන්‍යයෙන් ඔස්ට්‍රේලියාවේ හිම ක්‍රීඩා කලාප ජූනි 10 වනදා විවෘත කෙරෙන නමුත් මෙවර අපේක්ෂිත හිමපතනයන් නොලැබීම මත ඒවා විවෘත කිරීමද ප්‍රමාද වුණා.
මේ අතර ප්‍රධාන නගර අතුරින් අද දිනයේදී කැන්බරා නගරයෙන් සෙල්සියස් අංශක සෘණ 02 ක අවම උෂ්ණත්වය සටහන් වී තිබෙනවා.
මෙල්බන් – හෝබාට් – සිඩ්නි – ඇඩිලේඩ් නගරවල උපරිම උෂ්ණත්වය සෙල්සියස් අංශක 16 ත් 17 ත් අතර පවතිනු ඇති බවටයි අනාවැකි පළවන්නේ.
