මාර්ග ගාස්තු (road toll) වංචා සම්බන්ධ පැමිණිලි 14,585 ක් පසුගිය වසර තුළදී ඔස්ට්‍රේලියානු පාරිභෝගික කොමිසම වෙත ලැබී තිබෙනවා.
ඒ අනුව වංචාවට ලක්ව ඇති මුදල ඩොලර් 664,000 කට ආසන්න බවටයි ගණන් බලා ඇත්තේ.
මෙම වංචාවලට සම්බන්ධ දුරකථන අංක 12,000 ක් පමණ මේ වනවිටත් අවහිර කර ඇති බව සඳහන්.
මේ අතර පසුගිය වසරේදී ඔස්ට්‍රේලියානුවන් විසින් විවිධ ඔන්ලයින් වංචාවලට හසුවීමෙන් අහිමි කරගත් මුදල් ඩොලර් මිලියන 24.6 ක් ලෙස තක්සේරු කර තිබෙනවා.
එය 2021 වසරේදී ඩොලර් මිලියන 4.3 ක් ලෙස පැවති අතර ඒ අනුව වංචාවලට ලක්වු මුදලේ ඉහළයාම සියයට 469 ක්.
කෙසේවෙතත් බළධාරීන් වෙත වාර්තා නොවන පැමිණිලි සංඛ්‍යාව සළකා බැලීමේදී මෙම මුදල තවත් ඉහළ යනු ඇති බවයි පැවසෙන්නේ.
