පුද්ගලයන් 10 දෙනෙකුට මරු කැඳවූ නිවු සවුත් වේල්ස් හන්ටර් වැලි ප්‍රදේශයේ බස් අනතුරට සම්බන්ධ බස් රථය අයත් සමාගමේ වෙනත් බස් රථ කිහිපයක් පොලිසිය විසින් පරීක්ෂා කර තිබෙනවා.
ඒ අනුව ඊයේ දිනයේදී බස් රථ 20 කට ආසන්න සංඛ්‍යාවක් එලෙස පරීක්ෂාවට ලක් කර ඇති බව සඳහන්.
අනාරක්ෂිත ආසන – ආසන පටි දෝෂ – තිරිංග ක්‍රියාත්මක නොවීම වැනි විවිධ දෝෂ හඳුනාගත් බස් රථ සම්බන්ධයෙන් නිවේදන 09 ක්ද එහිදී නිකුත් කර තිබෙනවා.
යළි ධාවනයට එක් කිරීමට පෙර එම සියලු දෝෂ නිවැරදි කර බළධාරීන්ගේ අනුමැතිය ලබාගැනීම අනිවාර්ය වනු ඇති.
පසුගිය ඉරිදා රාත්‍රියේ සිදුවූ අනතුරින් තුවාල ලැබූ කිහිප දෙනෙකු තවමත් රෝහල්ගතව ප්‍රතිකාර ලබමින් පසුවනවා.
