ඔස්ට්‍රේලියාවේ ඉහළම ව්‍යාපාරවල ප්‍රධාන විධායක නිළධාරීන්ට පසුගිය වසරේදී සියයට 15 ක වැටුප් වැඩිවීමක් ලැබී තිබෙනවා.
පුද්ගලික – පොදු සහ ලාභ නොලබන ආයතන 1,167 ක අධ්‍යක්ෂ මණ්ඩල සාමාජිකයන්ගෙන් ලබාගත් තොරතුරු අනුවයි මෙම දත්ත අනාවරණය කර ඇත්තේ.
සාමාන්‍යයෙන් වැටුප් වැඩිවීම් ලබාදෙනුයේ උද්ධමනයට සාපේක්ෂව වුවද මෙම වැටුප් වැඩිවීම උද්ධමන අගයට වඩා 03 ගුණයකට පමණ ආසන්නවීම මෙහිදී අවධානය යොමුකර ඇති ප්‍රධාන කරුණක් වනවා.
ඔස්ට්‍රේලියාවේ ප්‍රධානම සමාගම් 200 හි ප්‍රධානීන් විසින් සියයට 19 කට ආසන්න වැටුප් වැඩිවීම් ලබාගෙන ඇති බවටද අනාවරණය කරගෙන තිබෙනවා.
ලබන ජූලි පළමුවනදා සිට ඔස්ට්‍රේලියාවේ අවම වැටුප දැනට පවතින ඩොලර් 21.38 සිට ඩොලරඒ 23.23 දක්වා ඉහළ දැමීමටද නියමිතයි.
