නාවුරු දූපතේ දැනට රඳවා සිටින අනවසර සංක්‍රමණිකයන් පිරිසද ලබන 30 වනදා වනවිට ඉන් ඉවත් කර ගැනීමට ෆෙඩරල් රජය පියවර ගෙන තිබෙනවා.
දැනට එහි ඉතිරිව සිටිනුයේ සරණාගතභාවය අපේක්ෂා කරන්නන් 12 දෙනෙකු පමණක් වන අතර ඔවුන් සියලු දෙනා බ්‍රිස්බන් දක්වා රැගෙන ඒමට නියමිතයි.
අනතුරුව ඔවුන් කෙටි කලක් හෝටල් රැඳවුම් භාරයේ තබා Bridging වීසා අයදුම් කිරීමට අවස්ථාවක් ලබාදෙනු ඇති.
අදාළ සංක්‍රමණිකයන්ට වීසා හිමිවීමෙන් අනතුරුව රැකියාවක් සොයා ගැනීමට පවා ඉඩකඩ විවර වන බවයි සංක්‍රමණ උපදේශකයන් සඳහන් කර ඇත්තේ.
අනවසර සංක්‍රමණික ගැටලුව වහා විසඳීමේ ලේබර් පක්ෂ යෝජනාවලිය යටතේයි මෙලෙස නාවුරු දූපතෙන් අනවසර සංක්‍රමණිකයන් ඉවත් කර ගැනීමට පියවර ගෙන ඇත්තේ.
නාවුරු දූපතෙන් අනවසර සංක්‍රමණිකයන් ඉවත් කර ගැණුනද පැපුවා නිව් ගිනියාවේ පවත්වාගෙන යන සරණාගත කඳවුරෙහි අනවසර සංක්‍රමණිකයන් 82 දෙනෙකු තවමත් රඳවනු ලැබ සිටිනවා.
