අද ඉදිරිපත් කෙරෙන දකුණු ඔස්ට්‍රේලියා ප්‍රාන්ත අයවැය ලේඛනයෙන් ඩොලර් මිලියන 249 ක වාර්තාගත අයවැය හිගයක් ප්‍රකාශයට පත් කෙරෙනු ඇති බවට වාර්තා පළවනවා.
පසුගිය දෙසැම්බරයේදී පුරෝකථනය කර තිබුණේ ප්‍රාන්ත රජය විසින් ඩොලර් මිලියන 200 ක අයවැය අතිරික්තයක් වාර්තා කරනු ඇති බවයි.
එහෙත් ගංවතුර – අමතර සෞඛ්‍ය වියදම් සහ වෙනත් අනපේක්ෂිත වියදම් හමුවේ අයවැය හිගයක් සටහන් කිරීමටයි දකුණු ඔස්ට්‍රේලියා රජයට සිදුවී ඇත්තේ.
මේ අතර බලශක්ති ගාස්තු සඳහා සහනයක් මෙන්ම ගිලන්රථ ප්‍රමාදය වළක්වාලීමට වැඩි ප්‍රතිපාදන ද අද අයවැයට ඇතුළත් කෙරෙනු ඇති බව සඳහන්.
එමෙන්ම අධ්‍යාපනය වෙනුවෙන්ද වැඩි මුදල් ප්‍රමාණයක් අද අයවැයෙන් වෙන් කිරීමට නියමිතයි.
