ඔස්ට්‍රේලියානුවන් නිසි පරිදි ආදායම් බදු ගෙවන්නේ දැයි පරීක්ෂා කිරීම සඳහා ඔස්ට්‍රේලියානු බදු කාර්යාලය ක්‍රියාත්මක කරන ක්‍රියාවලිය තවදුරටත් පුළුල් කර තිබෙනවා.
ඒ අනුව දේපල කළමනාකරුවන් / ඉඩම් හිමියන් සඳහා රක්ෂණ සපයන්නන් සහ නේවාසික ආයෝජන දේපල සඳහා ණය ලබා දෙන ආයතනද ඊට යටත් කර තිබෙනවා.
හවුල් ආර්ථික සේවා සපයන්නන් සහ ආදායම් ආරක්ෂණ රක්ෂණ සේවාද බදු නිරීක්ෂණ ක්‍රියාවලියට යටත් වනු ඇති.
කුලී දේපල හිමිකරුවන් 10 දෙනෙකුගෙන් 9 දෙනෙකුම ඔවුන්ගේ බදු ප්‍රතිලාභය වැරදි ලෙස ලබා ගන්නා බව ඔස්ට්‍රේලියානු බදු කාර්යාල වාර්තා තහවුරු කරනවා.
ලබන ජූලි 01 වනදා සිට මෙය ආරම්භ වන අතර අධියර දෙකකින් බලාත්මක කෙරෙනු ඇති.
කුලී රථ සේවා සහ කෙටි කාලීන නවාතැන් සේවා සපයන ඉලෙක්ට්‍රොනික ක්‍රමවේදයන් ලබන ජූලි 01 සිට සිය ආදායම් දත්ත වාර්තා කළ යුතුයි.
CREDIT – SBS
