වයස අවුරුදු 16 සම්පූර්ණ කල ඔස්ට්‍රේලියානු තරුණයන්ටත් ඡන්ද අයිතිය ලබාදීමට අදාළ ප්‍රචාරණ ව්‍යාපාරයක් ආරම්භ කර තිබෙනවා.
Make it 16 ලෙස එය නම් කර ඇති අතර ෆෙඩරල් මන්ත්‍රීවරුන් පිරිසකුයි ඊට මුල පුරා ඇත්තේ.
ප්‍රතිපත්ති සම්පාදනයේදී තරුණ තරුණියන්ගේ අදහස් ද වැඩි වශයෙන් ලබාගත යුතු බවට වන මතයත් සමග මෙම පියවර ගෙන තිබෙනවා.
කෙසේවෙතත් සමාරම්භක උත්සවයට පාලක ලේබර් පක්ෂයෙන් හෝ විපක්ෂ ලිබරල් සන්ධානයෙන් කිසිදු නියෝජිතයෙකු සහභාගී නොවීමද විශේෂත්වයක්.
ග්‍රීන්ස් පක්ෂයෙන් සහ ස්වාධීන මන්ත්‍රීවරුන් පමණක් ඊට සහභාගී වී තිබුණා.
මෑතකදී සිදුකල සමීක්ෂණයකදී අනාවරණ වී තිබුණේ ඔස්ට්‍රේලියාවේ තරුණ ප්‍රජාව ප්‍රධාන දේශපාලන පක්ෂවලින් ඉවත්වීමේ ප්‍රවණතාවයක් පවතින බවයි.
