ඉදිරි වසර 04 සඳහා අමතර පොලිස් නිළධාරීන් බඳවා ගැනීමට දකුණු ඔස්ට්‍රේලියා ප්‍රාන්ත පොලිසිය තීරණය කර තිබෙනවා.
මෙම සතියේදී ඉදිරිපත් කෙරෙන අයවැයෙන් ඩොලර් මිලියන 81 ක මුදලක් ඒ වෙනුවෙන් වෙන් කිරීමට නියමිතයි.
විශේෂ පුහුණුව ලත් පොලිස් නිළධාරීන් 189 ක් සහ පුහුණුවන නිළධාරීන් 900 කට ආසන්න පිරිසක් මේ යටතේ බඳවා ගැනෙනු ඇති.
සිරකරුවන් ප්‍රවාහනය වැනි විශේෂ ආරක්ෂාවක් සැපයෙන කටයුතු සඳහායි විශේෂ පුහුණුව ලත් පොලිස් නිළධාරීන් අනුයුක්ත කෙරෙන්නේ.
මේ අතර ඉදිරි වසර 03 සඳහා පොලිස් නිළධාරීන් පුහුණු කිරීම වෙනුවෙන් ඩොලර් මිලියන 12 ක මුදලක් මෙවර දකුණු ඔස්ට්‍රේලියා ප්‍රාන්ත අයවැයෙන් ප්‍රතිපාදන වෙන් කිරීමටද නියමිතව තිබෙනවා.
