නිවු සවුත් වේල්ස් හන්ටර් වැලි ප්‍රදේශයේදී සිදුවූ බස් අනතුරකින් පුද්ගලයන් 10 දෙනෙකු මියගොස් තිබෙනවා.
විවාහ මංගල උත්සවයකට සහභාගී වී නැවත පැමිණෙමින් සිටි පිරිසක් ගමන් ගත් බස් රථයකුයි ඊයේ රාත්‍රී 11.30 ට පමණ මෙලෙස පෙරළී ගොස් තිබුණේ.
මෙහිදී තවක් 25 දෙනෙකු පමණ තුවාල ලබා රෝහල්ගත කර තිබෙනවා.
ඉන් කිහිප දෙනෙකුගේ තත්වය අසාධ්‍ය බැවින් ඔවුන් ගුවන් මගින් සිඩ්නි දක්වා රැගෙන ගොස් ඇති බවද සඳහන්.
මෙම සිද්ධියට අදාළව බස් රථයේ රියදුරු ලෙස කටයුතු කල 58 හැවිරිදි පුද්ගලයෙකු අත්අඩංගුවට ගෙන ඇති බවයි නිවු සවුත් වේල්ස් ප්‍රාන්ත පොලිසිය තහවුරු කලේ.
මේ අතර මෙම ඛේදජනක සිද්ධිය සම්බන්ධයෙන් දැඩි කණගාටුවට පත්වන බව අගමැති ඇන්තනී ඇල්බනීස් ඇතුලු විශාල පිරිසක් සටහන් තබා තිබෙනවා.
