රජුගේ උපන්දින සති අන්තය තුළදී නීති විරෝධී සහ අනවසර ගිණි කෙළි සංදර්ශන පවත්වන පුද්ගලයන්ට ඩොලර් 27,500 ක දඩයක් සහ වසරක සිර දඩුවමක් පණවන බවට ප්‍රාන්ත රජය අනතුරු අගවා සිටිනවා.
නිසි බලපත් නොමැතිව ගිණිකෙළි අලෙවි කරන – මිළදී ගන්නා – ගබඩා කර තබන – ප්‍රවාහනය කරන ඕනෑම අයෙකුට මෙම නීතිය බලාත්මකයි.
ඔවුන්ට කිසිදු සමාවක් නොමැති බවද දැනටමත් ලියාපදිංචි වී ඇති ඉසව් සංඛ්‍යාව 100 ක් පමණක් බවද ප්‍රාන්ත රජය සඳහන් කරනවා.
දීර්ඝ සති අන්ත යෙදී ඇති විවිධ උත්සව අවස්ථාවලදී විශේෂයෙන් සිඩ්නි නගරය ආශ්‍රිත නීති විරෝධි ගිණිකෙළි භාවිතයේ ඉහළයාමක් නිරීක්ෂණය වී තිබීමයි මීට හේතුව වී ඇත්තේ.
අනවසර ගිණි කෙළි භාවිතයෙන් නරඹන්නන්ට මෙන්ම දේපළවලට සිදුවන හානිය සළකා බලමිනුයි ප්‍රාන්ත රජය මෙම තීරණය ගෙන ඇත්තේ.
