ගොල්ඩ් කෝස්ට් ෆැඩන් ආසනයේ අතුරු මැතිවරණය සඳහා ලිබරල් පක්ෂයෙන් ඉදිරිපත් කෙරෙන අපේක්ෂකයා තෝරා ගැනීමේ සටනට ඔස්ට්‍රේලියාවේ වාසය කරන ශ්‍රී ලාංකික වෛද්‍යවරයෙකු වන දිනේෂ් පලිපාන ද ඉදිරිපත් වී සිටිනවා.
හිටපු අමාත්‍යවරයෙකු වන ස්ටුවට් රොබට් ඉල්ලා අස්වීම හේතුවෙනුයි මෙම අසුන පුරප්පාඩු වූයේ.
අදාළ අතුරු මැතිවරණ ඡන්ද විමසීම ලබන මාසයේදී පැවැත්වෙන අතර වෛද්‍ය දිනේෂ් පලිපාන ඇතුලු 05 දෙනෙකු අපේක්ෂකත්වය වෙනුවෙන් ඉදිරිපත් වී සිටිනවා.
ව්‍යාපාරික කාන්තාවක – හිටපු නාගරික මන්ත්‍රීවරයෙකු සහ මූල්‍ය උපදේශකයන් දෙදෙනෙකු අනෙක් තරගතරුවන් වනවා.
වෛද්‍ය දිනේෂ් පලිපාන රෝද පුටුවක ආධාරයෙන් සිය වෘත්තියේ නිරත වන අතර ඔහු ක්වීන්ස්ලන්ඩ් රෝහලක හදිසි ප්‍රතිකාර අංශයේයි සේවය කරනු ලබන්නේ.
ලබන මස පැවැත්වෙන අතුරු මැතිවරණයට තරග කරන අපේක්ෂකයා කවුරුන්ද යන්න අද පස්වරුවේ තීරණය කෙරෙනු ඇති.
