ගෝල්ඩ් කෝස්ට් sea world ආසන්න ගුවන් කලාපය පිළිබඳ සමාලෝචනයක් සිදුකිරීමට ඔස්ට්‍රේලියානු සිවිල් ගුවන් සේවා ආරක්ෂණ අධිකාරිය තීරණය කර තිබෙනවා.
ගුවන් නියමුවන්ගෙන් සහ ගුවන් යානා ක්‍රියාකරුවන්ගෙන් ඊට අදාළව අදහස් හා යෝජනා ලබාගැනීමට නියමිතයි.
පසුගිය ජනවාරි 02 වනදා මෙම ස්ථානයේදී හෙලිකොප්ටර් යානා 02 ක් එකිනෙක ගැටීමෙන් පුද්ගලයන් 04 දෙනෙකු මරණයට පත්වුණා.
මූලික විමර්ශනයේදී අනාවරණය වූයේ නියමුවන් දෙදෙනාට එකිනෙකා නිසි ලෙස දර්ශනය නොවීම ද අනතුරට එක් හේතුවක් බවයි.
ඒ අනුව sea world ආශ්‍රිත ගුවන් කලාපය පිළිබඳ පසු විපරමක් සිදුකර කිසියම් සංශෝධනයක් සිදුකිරීමට අවශ්‍ය නම් සිදුකිරීම මෙම සමාලෝචනයේ අරමුණ වී තිබෙනවා.
