වික්ටෝරියා ප්‍රාන්තයේ නව රථවාහන කැමරා සක්‍රීය කර මාසයක් තුළ විවිධ වැරදි සම්බන්ධයෙන් රියදුරන් 3,000 කට ආසන්න පිරිසකට අවවාද කර තිබෙනවා.
ඉන් බහුතරය ආසන පටි නොපැළඳ රිය ධාවනය සහ දුරකථන භාවිත කරමින් රිය පැදවීමට අදාළව බව සඳහන්.
ආසන පටි නොපැළඳ රිය ධාවනය කල රියදුරන් 1,500 කට ආසන්න පිරිසක් – වාහනයේ ඉදිරිපස ගමන් කල 225 දෙනෙකු මෙන්ම ජංගම දුරකථන භාවිත කරමින් රිය පැදවු 1,200 කට ආසන්න පිරිසක්ද මේ අතර වනවා.
මෙම කැමරා සඳහා කෘත්‍රීම බුද්ධිය තාක්ෂණය යොදා ගැනීමද විශේෂත්වයක්.
ඉදිරියේදී වික්ටෝරියා ප්‍රාන්තය පුරා තවත් කැමරා 200 කට ආසන්න සංඛ්‍යාවක්ද ස්ථාපිත කිරීමටයි නියමිතව ඇත්තේ.
දැනට මෙම නීති කඩ කරන පුද්ගලයන්ට අවවාද කිරීමක් පමණක් නිකුත් කෙරුණද ලබන පළමුවනදා සිට ඔවුන්ට ඩොලර් 577 ක දඩයක් සහ අප්‍රසාද ළකුණු 04 ක් නියම කෙරෙනු ඇති.
