ඔස්ට්‍රේලියානු ව්‍යාපාරවලින් 40% කට ආසන්න ප්‍රමාණයක් මෙම වසරේදී රැකියා කප්පාදු කිරීමට අපේක්ෂා කරන බව ප්‍රකාශයට පත්කර තිබෙනවා.
එමෙන්ම ව්‍යාපාර අතුරින් 47% ක් සැලකිය යුතු වැටුප් වැඩි කිරීමක් නොකරනු ඇති බවයි සමීක්ෂණයකදී හෙළිවී ඇත්තේ.
ඉහළ යන උද්ධමනය හමුවේ මෙම තීරණය ගැනීමට අදාළ ව්‍යාපාරවලට සිදුවී ඇති බව ද සඳහන්.
ඇතැම් සේවකයින්ට ඔවුන්ගේ කාර්ය සාධනය මත පමණක් වැටුප් වැඩිවීම් ලබා දෙන බව ව්‍යාපාර අතුරින් 33% ක් පවසා තිබෙනවා.
වැටුප් වැඩිකිරීම් වෙනුවට ඔස්ට්‍රේලියානු සමාගම් තම කාර්ය මණ්ඩලය රඳවා ගැනීමට නම්‍යශීලී රාජකාරී ක්‍රම අනුගමනය කිරීමට සැරසෙන බවයි මෙහිදී තවදුරටත් අනාවරණය වී ඇත්තේ.
ඒ අනුව 16% ක් පමණ තම කාර්ය මණ්ඩලයට විදේශයන්හි සේවය කිරීමට ඉඩ දීමටද තීරණය කර තිබෙනවා.
CREDIT – SBS
