NSW දේශපාලනඥයන්ට සහ ඉහළ නිළධාරීන්ට වසර 02 ක් යනතුරු වැටුප් වැඩිවීම් නෑ

නිවු සවුත් වේල්ස් ප්‍රාන්ත දේශපාලනඥයන්ට සහ ඉහළ පරිපාලන නිළධාරීන්ට වසර 02 ක් යනතුරු වැටුප් වැඩිවීමක් නොදීමට ප්‍රාන්ත රජය තීරණය කර තිබෙනවා.

මීට අදාළ යෝජනාව ප්‍රාන්ත පාර්ලිමේන්තුවට ඉදිරිපත් කර ඇති අතර එය සම්මත වුවහොත් ලබන ජූලි 01 වනදා සිට බලාත්මක වනු ඇති.

මෙම යෝජනාව හරහා ඩොලර් මිලියන 260 ක මුදලක් ඉතිරි කරගැනීමට නිවු සවුත් වේල්ස් ප්‍රාන්ත රජය අපේක්ෂා කරනවා.

එම මුදල් ප්‍රාන්තයේ පාසල් සහ රෝහල්වල සංවර්ධන කටයුතු වෙනුවෙන් යෙදවීමටයි සැළසුම් කර ඇත්තේ.

මීට අමතරව පැවති ලිබරල් රජය විසින් මැතිවරණය ආසන්නයේදී රාජ්‍ය සේවකයන්ට ලබාදුන් සියයට 03 ක වැටුප් වැඩිවීම කපා හැරීම කෙරෙහිද වත්මන් ලේබර් පක්ෂ රජයේ අවධානය යොමුවී තිබෙනවා.

වසරකට නිවු සවුත් වේල්ස් ඉහළ නිලධාරීන් සහ රාජ්‍ය සේවකයන් සඳහා ගෙවීමට සිදුවන සමස්ත වැටුප් ප්‍රමාණය ඩොලර් බිලියන 48 කට ආසන්නයි.

ආසියානු රටක පුද්ගලයෙක් මෙල්බන්හිදී කාන්තාවක් සහ දරුවෙක් පැහැර ගනී

මෙල්බර්න්හි රෝවිල් ප්‍රදේශයේ (Rowville) සාප්පු මධ්‍යස්ථානයක් අසලදී කාන්තාවක් සහ ඇයගේ කුඩා දියණිය පැහැරගෙන යාමේ සිදුවීමක් සම්බන්ධයෙන් පොලිස් පරීක්ෂණ ආරම්භ වී තිබෙනවා.

Read More »

අගමැති එක්වූ මෙල්බන් සමුලුවකට පලස්තීන හිතවාදී විරෝධතාකරුවන් කඩාවදී

අගමැති ඇන්තනි ඇල්බනීස් සහභාගී වූ මෙල්බර්න්හි කම්කරු පක්ෂ සමුළුවකට පලස්තීන හිතවාදී පෙලපාලිකරුවන් කඩා වැදී තිබෙනවා.

Read More »

වික්ටෝරියා ප්‍රාන්තයේ මාරක රිය අනතුරුවලට හේතුව හෙළිවෙයි

පැය පහකට අඩු කාලයක් නිදාගන්නා රියදුරන් රිය අනතුරුවලට පත්වීමේ සම්භාවිතාව හතර ගුණයකින් වැඩි බව නව අධ්‍යයනයකින් හෙළි වී තිබෙනවා.

Read More »