ඩොලරය පරදා රුපියල තවත් ඉහළට

අමෙරිකානු ඩොලරය ඇතුලු විදේශීය මුදල් ඒකක රැසකට සාපේක්ෂව ශ්‍රී ලංකා රුපියල අද දිනයේදී තවදුරටත් ඉහළගොස් තිබෙනවා.

පසුගිය සිකුරාදා දිනයේදී අමෙරිකානු ඩොලරයක ගැණුම් මිළ රුපියල් 292 ක් ලෙස පැවති නමුත් අද පෙරවරුවේ ශ්‍රී ලංකාවේ ප්‍රධාන වාණිජ බැංකු කිහිපයකම අමෙරිකානු ඩොලරයක ගැණුම් මිළ රුපියල් 280 කට ආසන්න වී තිබුණා.

එමෙන්ම සිකුරාදා දිනයේදී අමෙරිකානු ඩොලරයක විකිණුම් මිළ රුපියල් 308 කට ආසන්නව පැවති නමුත් අද දිනයේදී එය පවතින්නේ රුපියල් 302 කට ආසන්නවයි.

මේ අතර ප්‍රධාන බැංකු කිහිපයක ඔස්ට්‍රේලියානු ඩොලරයක ගැණුම් මිළ රුපියල් 186 දක්වාද විකිණුම් මිළ රුපියල් 199 දක්වාද පහත වැටී තිබෙනවා.

ශ්‍රී ලංකා මහ බැංකුව නිකුත් කරන දෛනික විනිමය අනුපාතික අගයන් ශ්‍රී ලංකාවේ වේලාවෙන් අද දහවල් 12.30 න් පසුව නිකුත් කිරීමටයි නියමිතව ඇත්තේ.

හොබාර්ට්හි පාසල් අසල සුදු වෑන් භීතිකාවක්

ටස්මේනියා ප්‍රාන්තයේ හොබාර්ට්හි ප්‍රාථමික පාසල් සිසුන්ට සුදු පැහැති වෑන් රථයකින් පැමිණ පැණි රස කෑම වර්ග ලබා දෙන පුද්ගලයෙකු සම්බන්ධයෙන් ආරක්ෂක අංශ විමර්ශනයක් ආරම්භ කර තිබෙනවා.

Read More »

නවසීලන්තයේ කාය වර්ධන තරගාවලියකින් ශ්‍රී ලාංකික තරුණයෙකුට රන් පදක්කම් 3ක්

නවසීලන්තයේ පැවති කාය වර්ධන තරගාවලියකින් එරට සිටින ශ්‍රී ලාංකික තරුණයෙක් වන සුලාර ධනුක මාලිංග පදක්කම් රැසක් දිනාගෙන තිබෙනවා.

Read More »

ශ්‍රී ලාංකික ලේඛිකාවකගේ යුද්ධය ගැන කෘතියකට ජාත්‍යන්තර සම්මානයක්

ශ්‍රී ලාංකේය ලේඛිකාවක් වන V. V. ගනේෂානන්දන් විසින් රචිත Brotherless Night නවකතාව සඳහා 2024 වසරේ Carol Shields ත්‍යාගය දිනා ගැනීමට සමත්ව තිබෙනවා.

Read More »

පැපුවා නිව්ගිනි රාජ්‍යයේ නාය යෑමෙන් ජීවිත 300ක් අහිමි වෙයි?

පැපුවා නිව්ගිනියාවේ එන්ගා පළාතේ ගම්මාන කිහිපයක සිදු වූ නාය යාමෙන් පුද්ගලයන් 300කට වැඩි පිරිසක් සුන්බුන් අතර සිරවී ඇතැයි විශ්වාස කෙරෙන බව සහන කණ්ඩායම් පවසනවා.

Read More »