බටහිර ඔස්ට්‍රේලියා ප්‍රාන්ත අගමැති මාර්ක් මැක්ගෝවන් දේශපාලනයෙන් විශ්‍රාම ගැනීමට තීරණය කර තිබෙනවා.
දේශපාලනයෙන් – ප්‍රාන්ත අගමැති ධුරයෙන් මෙන්ම ප්‍රාන්ත සභික ධුරයෙන්ද තමන් මෙම සතිය අවසානයේදී ඉවත් වන බවයි පර්ත් නුවර අද පැවති මාධ්‍ය හමුවකදී ඔහු නිවේදනය කලේ.
බටහිර ඔස්ට්‍රේලියා ප්‍රාන්ත ලේබර් පක්ෂ නායකත්වයට මාර්ක් මැක්ගෝවන් පත්වූයේ 2012 වසරේදීයි.
55 හැවිරිදි ඔහු අවස්ථා 02 කදී ප්‍රාන්ත අගමැති ධුරය ජයගැනීමටද සමත්වුණා.
දේශපාලන දිවියේ අධික පීඩනය සහ වයස සළකා බලා මෙම සමුගැනීම ප්‍රකාශයට පත් කරන බවද ඔහු කියාසිටියා.
බටහිර ඔස්ට්‍රේලියා ප්‍රාන්ත මැතිවරණයක් නැවත පැවැත්වීමට නියමිතව ඇත්තේ 2025 වසරේදී බැවින් වැඩ බලන අගමැතිවරයෙකු ඉදිරියේදී පත්කිරීමට නියමිතයි.
