මෙල්බන් භූ චලනය වසර 120 ක වාර්තාවක් බිඳහෙළයි

මෙල්බන් නාගරික කලාපයට ආසන්නයෙන් ඊයේ රාත්‍රියේ බලපා ඇත්තේ වසර 120 කට පසු හටගත් ප්‍රබලම භූ චලනය බව අනාවරණය වී තිබෙනවා.

ඊයේ රාත්‍රී 11.40 ට පමණ සන්බරි ආශ්‍රිතව හටගත් මෙම කම්පනය ප්‍රදේශ ගණනාවකට දැනී තිබුණා.

රික්ටර් මාපකයේ ඒකක 3.8 ක් ලෙස සටහන් වූ මෙම භූ චලනය පොළව අභ්‍යන්තරයේ කිලෝමීටර් 03 ක් පමණ ගැඹුරින් සටහන්වී තිබූ බවයි ඔස්ටේ්‍රලියානු භූ විද්‍යා සමීක්ෂණ ආයතනය සඳහන් කලේ.

මෙහි කම්පනය ටස්මේනියාවේ හෝබාර්ට් නුවරට පවා දැනී තිබූ බවටයි මේ වනවිට තහවුරු කරගෙන ඇත්තේ.

මෙහිදී කිසිදු ජීවිත හාකියක් හෝ තුවාල සිදුවීමක් වාර්තා වී නොමැති නමුත් ගොඩනැගිලි රැසක ඉරිතළා යෑම් සටහන්වී තිබෙනවා.

2021 වසරේදී රික්ටර් මාපකයේ ඒකක 5.9 ක ප්‍රබල භූ චලනයක්ද මෙල්බන් නගර මධ්‍යයේ සිට කිලෝමීටර් 180 ක් පමණ දුරින් සටහන් වි තිබුණා.

කෙසේවෙතත් මෙල්බන් නාගරික කලාපයට ආසන්නයෙන් ප්‍රබලම භූ චලනයක් වාර්තාවී ඇත්තේ වසර 120 කට පසුවයි.

හොබාර්ට්හි පාසල් අසල සුදු වෑන් භීතිකාවක්

ටස්මේනියා ප්‍රාන්තයේ හොබාර්ට්හි ප්‍රාථමික පාසල් සිසුන්ට සුදු පැහැති වෑන් රථයකින් පැමිණ පැණි රස කෑම වර්ග ලබා දෙන පුද්ගලයෙකු සම්බන්ධයෙන් ආරක්ෂක අංශ විමර්ශනයක් ආරම්භ කර තිබෙනවා.

Read More »

නවසීලන්තයේ කාය වර්ධන තරගාවලියකින් ශ්‍රී ලාංකික තරුණයෙකුට රන් පදක්කම් 3ක්

නවසීලන්තයේ පැවති කාය වර්ධන තරගාවලියකින් එරට සිටින ශ්‍රී ලාංකික තරුණයෙක් වන සුලාර ධනුක මාලිංග පදක්කම් රැසක් දිනාගෙන තිබෙනවා.

Read More »

ශ්‍රී ලාංකික ලේඛිකාවකගේ යුද්ධය ගැන කෘතියකට ජාත්‍යන්තර සම්මානයක්

ශ්‍රී ලාංකේය ලේඛිකාවක් වන V. V. ගනේෂානන්දන් විසින් රචිත Brotherless Night නවකතාව සඳහා 2024 වසරේ Carol Shields ත්‍යාගය දිනා ගැනීමට සමත්ව තිබෙනවා.

Read More »

පැපුවා නිව්ගිනි රාජ්‍යයේ නාය යෑමෙන් ජීවිත 300ක් අහිමි වෙයි?

පැපුවා නිව්ගිනියාවේ එන්ගා පළාතේ ගම්මාන කිහිපයක සිදු වූ නාය යාමෙන් පුද්ගලයන් 300කට වැඩි පිරිසක් සුන්බුන් අතර සිරවී ඇතැයි විශ්වාස කෙරෙන බව සහන කණ්ඩායම් පවසනවා.

Read More »