පසුගිය වසරේදී නීති විරෝධි මත්ද්‍රව්‍ය භාවිතය සහ ළග තබාගැනීම සම්බන්ධයෙන් පවරනු ලැබූ නඩු සංඛ්‍යාව කැපී පෙනෙන ලෙස පහළගොස් තිබෙනවා.
2021 වසරේදී එවැනි වැරදි සම්බන්ධයෙන් විත්තිකරුවන් 55,973 දෙනෙකුට එරෙහිව මෙරට අධිකරණ හමුවේ නඩු ගොණුකර තිබුණා.
එහෙත් 2022 වසරේදි එම සංඛ්‍යාව 43,667 දක්වා පහළගොස් ඇති බවයි සංඛ්‍යාලේඛණ කාර්යාංශය නිකුත් කර ඇති නවතම සංඛ්‍යාලේඛණවල සටහන් වන්නේ.
පෙර වසරට සාපේක්ෂව නීති විරෝධී මත්ද්‍රව්‍ය වැරදි සම්බන්ධයෙන් පවරනු ලැබූ නඩුවල වැඩිවීමක් පෙන්නුම් කර ඇත්තේ වික්ටෝරියා ප්‍රාන්තයේ පමණයි.
අනෙකුත් සෑම ප්‍රාන්තයකම 2021 වසරට වඩා 2022 දී මත්ද්‍රව්‍ය වැරදිවල අඩුවක් සටහන්වන බව සංඛ්‍යාලේඛණ කාර්යාංශයේ දත්ත අනුව පෙනී යනවා.
