මෙල්බන් නාගරික කලාපයේ (CBD) ඇතැම් කලාපවල මෝටර් රථ ගමන් කිරීම තහනම් කෙරෙනු ඇති බවට වාර්තා පළවනවා.
ඒ අනුව ඉදි කිරීම් අතරතුර පදිකයන්ට ආරක්ෂාකාරීව ගමන් කිරීම සඳහා වැඩි ඉඩක් හිමිවීමට නියමිතයි.
නව දුම්රිය ස්ථාන කිහිපයක් ඉදි කිරීම සඳහායි මෙම සංවර්ධන කටයුතු සිදුකරමින් පවතින්නේ.
අදාළ කලාපවල මෝටර් රථ ධාවනය මුලුමුණින්ම තහනම් නොකෙරෙන අතර ඇතැම්විට එක් මංතීරුවක් වසා දැමීම හෝ කාර්ය බහුල අවස්ථාවලදී රථවාහන ධාවනය අත්හිටුවීම සිදුකෙරෙන බව සඳහන්.
මෙම යෝජනාව ලබන මාසයේදී මෙල්බන් නාගරික කවුන්සිලයේදී විවාද කර සම්මත කරගැනීමට නියමිත අතර මහජනතාවට ද අදහස් හා යෝජනා ඉදිරිපත් කල හැකියි.
