ක්වීන්ස්ලන්ඩ් ප්‍රාන්තයේ රථවාහන කැමරා මගින් හඳුනාගත් වැරදිවලට අදාළ දඩ පත්‍රිකා මගින් උපයාගත් ආදායම මාස 12 කදී සියයට 70 කින් ඉහළගොස් තිබෙනවා.
ඒ අනුව ගතවූ මාස 12 දී ප්‍රාන්ත රජය විසින් උපයා ඇති අමතර ආදායම ඩොලර් මිලියන 200 කට අධිකයි.
2021-22 මූල්‍ය වර්ෂයේදී ක්වීන්ස්ලන්ඩ් ප්‍රාන්ත රජය විසින් උපයා තිබු ආදායම ඩොලර් මිලියන 274.5 ක්.
2022-23 මූල්‍ය වර්ෂය තුළදී එය ඩොලර් මිලියන 465.8 දක්වා වැඩිවී ඇති අතර ලබන මූල්‍ය වර්ෂයේදී එය ඩොලර් මිලියන 500 ක් කරා ඉහළ යනු ඇති බවටද අපේක්ෂා කෙරෙනවා.
වේග සීමා අභිබවා යාම – රිය ධාවනයේදී ජංගම දුරකථන භාවිතය සහ මාර්ග සංඥා සඳහා අවනත නොවීම මෙම වැරදි අතුරින් ප්‍රමුඛස්ථානයක් ගෙන තිබෙනවා.
දැනට ක්වීන්ස්ලන්ඩ් හි පවතින නීතිය අනුව ආසන පටි නොපැළඳීමට ඩොලර් 1,078 ක – මාර්ග සංඥා කඩ කිරීමට ඩොලර් 575 ක සහ වේග සීමා උලංලඝනයට ඩොලර් 1,653 ක දඩයක් නියම වනවා.
