ගෘහ සේවයට සිටින කාන්තාව වහල් සේවයේ යෙදවීම සම්බන්ධයෙන් මෙල්බන් නිරිත දිග ප්‍රදේශයේ යුවළකට චෝදනා ගොණු කර තිබෙනවා.
පසුගිය වසරේ ජනවාරි සිට ඔක්තෝබර් දක්වා කාලයේදී අදාළ කාන්තාවට දරුණු වධ හිංසා කල බවටයි 44 හැවිරිදි පුරුෂයෙකුට සහ ඔහුගේ 29 හැවිරිදි බිරිඳට චෝදනා එල්ල වී ඇත්තේ.
Point cook ප්‍රදේශයේ පිහිටි ඔවුන්ගේ නිවසේදී ගෘහ සේවිකාව වහල් සේවයේ යොදවා ඇති බව ඔස්ට්‍රේලියානු ෆෙඩරල් පොලිසිය විසින් හෙළිකරගෙන තිබෙනවා.
මොවුන් දෙදෙනා අද මෙල්බන් මහේස්ත්‍රාත් අධිකරණය හමුවට ඉදිරිපත් කල අවස්ථාවේදී චෝදනා කියවා දී ඇති බව සඳහන්.
කිසියම් අයරකින් නඩු විභාගය අවසානයේදී ඔවුන් වරදකරුවන් බවට පත්වුවහොත් වසර 25 ක උපරිමයකට යටත්වන සිර දඩුවමකට ලක්වීමට සිදුවනු ඇති.
නඩුව වැඩිදුර විභාගය ලබන මස 19 වනදා සිදුකිරීමට නියමිතයි.
